Традиционално АК Охрид трчаТ организира детска трка за најмалите охриѓанчиња. Сите првачиња на територија на Општина Охрид ќе имаат можност да се дел од Охрид трчаТ Детска трка. Инаку станува збор за неформална трка каде сите учесници (првачиња) ќе истрачаат 100 метри поделени во групи. Оваа трка нема победници на оваа трка сите се победници како што и требиТ кога станува збор за дечиња од 6 години. Учеството на трката е секако бесплатно и за сите учесници АК Охрид трчаТ обезбедува маица, медал (финишер) и вода. Традиционален подджувач на Охрид трчаТ Детска трка е Општина Охрид и сите основни училишта на територија на Охрид. Особена чест ни е што Делегацијата на ЕУ во Република Македонија во континуитет го поддржува настанот и заедно со дечињата и со сите нас го одбележува денот на Европа (9 мај) во Охрид, ги промовираат европските вредности, здравите навики и секако градењето на повисока свест за спортување. Од Охрид трчаТ Детска трка 2022 поамбициозно се посветуваме кон животната средина и нејзината заштита така што од 2022 година паролата на Охрид трчаТ Детска трка е тркачко зелена, Run and Be GREEN!

Добредојдовте првачиња на Охрид трчаТ детска трка 2023!

Детската трка е за дечиња кои се во прво одделение и неа заедно ја организираме со Сојузот на училишен спорт од Охрид.
Нашата цел е да го промовираме трчањето кај децата, заради тоа што, трчањето е забавно, секој може да си го дозволи, многу лесно се учи, помага во развојот на другите спортови, трчањето е за секого, промовира здрави навики и најбитното трчањето е превентива за развојот на деформитетите кај најмладите.

Должина 100 метри
Старт – Кеј Македонија, кафе бар Објектив
Цел – Кеј Македонија, плато на Дом на Култура